Durante os días 29 e 30 de xuño e como actividade paralela á exposición This is Brazil! 1990-2012! que tivo lugar nos espazos de Palexco e Quiosco Alfonso na Coruña, desenvolveuse un taller artístico dirixido pola artista brasileira Sandra Cinto. Esta actividade reuniu a un grupo de artistas, escritores, fotógrafos, bailaríns, xente do ámbito audiovisual, comisarios de exposicións, críticos de arte, etc. e en xeral, persoas interesadas en compartir con Sandra Cinto a experiencia de desenvolver un traballo artístico común, a gran escala, convertendo a experiencia da pintura en algo máis alá do matérico e dando lugar a un ámbito de reflexión sobre a capacidade liberadora da arte. O taller xerou un espazo común para a construción de novos proxectos a partir do discurso inicial propiciado polas obras da propia exposición e o traballo de Sandra Cinto.

Ver memoria taller Sandra Cinto