Radio Cos, uns pandeireteiros de fama que fixeron evolucionar a nosa música naturalmente.

Xurxo Fernandes e Quique Peón, cantantes e percusionistas do grupo, son dous referentes no campo da investigación etnográfica en Galicia. As melodías utilizadas neste proxecto pertencen aos seus arquivos de gravacións de campo, traballo que levan facendo por todo o país desde hai máis de 3 décadas.

Son xa 10 anos que Radio Cos leva percorrendo escenarios en Bélxica, Inglaterra, Escocia, Bretaña e Galicia, transmitindo o seu modo de entender a nosa música tradicional.

Agora preséntannos o seu primeiro disco, música de raíz que mestura a sonoridade máis arcaica con elementos tirados da propia tradición e melodías alleas que gardan relación co país.

A banda fórmana: Pedro Lamas na gaita e saxo soprano, Nikolay Velikov no violín, Xan Pampín no acordeón.

Este traballo, concibido con forza e alegría, quere mostrar a invisibilidade que sofren as culturas minoritarias a pesar de estar aí, de rodearnos, de ser verdades manifestamente palpables.

Radio Cos celebra con este concerto o seu X Aniversario, por iso é tan especial, o grupo estará acompañados polos bailadores Pablo Rivas e Carmen Amigo, o grupo "Os Fillos de Pepa a Loba", as famosas pandeireteiras Belén Mato, María Criado e Sonia Rebodido e os pandeireteiros de Xacarandaina   con Manolo F. Montero.

VENDA DE ENTRADAS

Despacho de billetes Central, Praza de Ourense: de luns a venres de 9.30 a 13 e de 16.30 a 19.30 h.

Despacho de billetes Teatro Rosalía: só días de función, de 12 a 14 e de 18 a 20 h.

Sede Afundación: de luns a sábado, incluídos festivos de 9 a 21 h.

Televenta: 902 504 500