María Catalina Rosario Nadiña Pequena, Macarrona para os seus irmáns, Nadina Pequena para a maior parte da xente, e, como o seu nome indica, pequena.
Hai pequenas que son xigantes, como Barbadac, a ogresa, filla do ogro que gardaba o seu tesouro das botas de sete leguas ata a chegada de Polgariño. Barbadac escolleu non gardar tesouros, senón compartilos, como Petipuá, a pulga artista, que quixo levar o seu espectáculo a todas as partes do mundo, incluída a Illa dos Salvaxes, e demostrou que non hai límites nin fronteiras para conseguir o que desexas, nin sendo pequena coma unha pulga. E hai máis pequenas cunha imaxinación grande, como Nadiña, que é quen nos conta as historias de Barbadac e de Petipuá, quen nolas representa con bailes, cancións, alegría e unha forza enorme. Hai grandes pequenas e grandes pequenos, tan grandes que poden cambiar o mundo á súa maneira.