P.E.N.007, é un xoguete cómico en tres actos. A representación principia cun prólogo no que un investigador tentará de acadar voluntarios entre o público co fin de ensaiar un preparado fabricado por él para pór fin a un contagioso virus. Na representación plasmaranse, sobre todo, tres formas de ver a vida. A do investigador, a do “policía da científica” e a de aqueles que pola codicia e os praceres mundanos non lles importa a quen pisan.
Para público en xeral
04/06/2016
Xa rematou
20.00 h
Auditorio do Fórum Metropolitano. Rúa Río Monelos 1. 15006 A Coruña
3.00 euros
** A mitade do recaudado irá destinado a "Médicos sin fronteiras".
Ese virus, segundo os estudos do profesor, maniféstase nos doentes polo afán desmedido por atesourar máis e máis cartos e só se contaxia entre as clases máis adiñeiradas do país.
Co descorres da representación veremos en escena a persoas xa contaxiados polo virus e observaremos todas as tropelías que argallan para satisfacer a súa adicción ao vil metal.
O contrapunto poñerano unha auxiliar do profesor-investigador, unha axente xudicial e unha xornalista, que cos seus comentarios retratarán o ambiente no que se está a desenvolver a acción.
Na representación plasmaranse, sobre todo, tres formas de ver a vida.
A de don Eladio, o investigador que concibe a ciencia como instrumento útil para desfacer os entortos que presenta a vida e tamén para pór ao alcance de todos as conquistas que el mesmo é capaz de conseguir cando entra co seu maxín nos segredos que oculta unha natureza que presenta tantos interrogantes.
Tamén aparecerá en escena outra forma de ver a vida, a do "policía da científica", home recio, que cre que a sociedade ten que se rexer por dous principios fundamentais, a orde e a autoridade. Quere ser máis do que é e deixarase levar as máis das veces polo seu desexo máis agochado, que non é outro que o de acadar unha posición relevante na sociedade na que se desenvolve.
Por último, veremos aos que quedan máis ao descuberto na peza, don Pío e o seu cómplice Veloso. Os dous aparecerán movidos en todo momento pola codicia e os praceres mundanos sen lles importar a quen teñan que pisar para mellorar a súa facenda.
Interpretes:
Carlos Fabal, Susana Lamas, Carlos Freire, Pilar Pedreira, Ana Gronzo, Rosa Freire, Matilde Noya, Moncho Álvarez, David Martínez e Ayoub El Ghotiss.
Dirección: Carlos Freire.
Venda de entradas:
Despacho de billetes Central, Praza de Ourense: de luns a venres de 9.30 a 13 e de 16.30 a 19.30 h. Temporalmente situado no Teatro Rosalia no mesmo horario.
Despacho de billetes Forum: só días de función, desde unha hora antes do espectáculo.
Televenta: 902 044 226 (luns a venres de 9.00 a 22.00 h, sábados de 14.00 h a 22.00 h, domingos de 16.00 a 21.00 h) - www.ticketea.com (servizo permanente 24 h )
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible