Unha casa afastada nas terras esquecidas do oeste de Irlanda. Ao pé da casa, unha lagoa de augas escuras. Alá abaixo, a aldea, á beira da ría de Lennane. Nesa casa viven os protagonistas do Oeste solitario; os irmáns Connor: Valene e Coleman. Despois de enterrar o pai, volven ao tobo onde fermenta lentamente o rancor, a intolerancia e o odio. A historia parece que só pode acabar de dúas maneiras: cun coitelo entre as omoplatas ou cun cranio rebentado polo tiro dun cartucho do 12. Tamén hai unha parella romántica: Girleen, o mozalbete da aldea que lles vende a augardente ilegal, e o pai Welsh, patético párroco fracasado, que interveñen na historia, provocando sen que o saiba, un xiro inesperado.