Piano

O período do reinado da reina Vitoria, 1837-1901, supuxo para Gran Bretaña o máximo esplendor da Revolución Industrial, e a hexemonía no mundo occidental por ser o primeiro estado en culminar a súa industrialización. A grande exposición realizada no Crystal Palace de Londres en 1851, foi un fito histórico sen precedentes e supuxo un acicate para o desenvolvemento de todas as artes.

En canto á música, tamén foi unha época prolífica para Gran Bretaña en canto ao xurdimento de grandes compositores se refire. Teremos a oportunidade de coñecer un pouco máis acerca dalgúns deses grandes compositores que viviron a época vitoriana e os anos posteriores ata a Segunda Guerra Mundial. Edwar Elgar, Frederic Delius, Vaghan Williams, Gustav Holst, Alec Rowley e Benjamin Britten, algúns deles aínda non o suficientemente recoñecidos polo público da Europa Continental.