O Aquarium Finisterrae incorpora desde o sábado 27 de xaneiro unha nova actividade que se lles ofrece ás persoas que visitan o centro. Trátase de charlas breves, duns 10 minutos, sobre a bioloxía e curiosidades dalgunhas das especies máis populares do Aquarium, ofrecidas polo persoal de atención ao público. Os cabaliños de mar e os polbos serán os protagonistas dos monólogos das primeiras sesións.

Esta actividade nace do interese mostrado polo público do Aquarium por preguntar e afondar nunha gran diversidade de cuestións. Así, en próximas sesións abordaranse outros temas e animais comoa as medusas, os mexillóns, os axolotes, as estrelas de mar ou os embrións de quenllas.

Os monólogos anunciaranse por megafonía minutos antes do comezo de cada monólogo para que as persoas que estean a visitar o Aquarium poidan asistir se o desexan.