Ao longo das súas tres décadas de traxectoria, Maná vendeu máis de 40 millóns de álbums e obtivo 4 Grammys, 7 Latin Grammys, e máis cancións no nº 1 que calquera outra banda de rock en español. ‘Cama Incendiada' é o seu novo e exitoso disco, co que entraron directamente ao nº 1 da lista Billboard Hot Latin, e no que se inclúen éxitos como ‘Mi verdad', no que colaboran con Shakira, que foi certificado como Ouro en España e que superou os 40 millóns de visionados en YouTube, e ‘La prisión', outro dos grandes temas do disco, do que recentemente estrearon videoclip.

Este ‘Cama incendiada tour' pasará por Tenerife (único concerto en Canarias), A Coruña, Benidorm (único concerto en Levante), Málaga, Madrid, Barcelona e Bilbao, cidades que poderán gozar dunha espectacular produción que conta con 250 m2 de pantallas LED, máis de 320 luces móbiles de última xeración e unha altísima calidade de son e de montaxe visual que farán que cada unha das súas actuacións sexa un acontecemento para o recordo.