La sartén por el mango (Mujer, no es para tanto) é un monólogo no que se sente a rabia feminina sen case apreciala, sutilmente. A actriz mantén co público unha distancia prudente, pero íntima. Ela faise querer, é un ser aparentemente nobre, unha desas mulleres con ideas doutra época e das que todos temos algunha referencia persoal, ela podería ser aquela tía afastada, a nosa curmá a solteirona, a nosa avoa e mesmo a nosa nai. O seu discurso encerra algo doutro tempo e, tamén, algo de verdadeira revolución feminina. Se elas tivesen o que nós, que pasaría? Se elas puidesen ligar por internet, saír ata as tantas, estariamos nós, os seus fillos, aquí...? Elas asimilaron a familia como concepto, o home como estandarte e a casa como bandeira.

 

Autora: Lola Correa.

Con Luma Gómez.

Director: Eduardo Alonso.

 

Entradas: 6 € (carné xove, + 65 anos, desempregados: 5 € )

Venda de entradas:

- Despacho da Praza de Ourense: de 9.30 a 13 h e de 16.30 a 19.30 h - Pagos en efectivo.

- Despacho do Fórum: mesmo día dende unha hora antes - Pagos en efectivo.

- Televenda: 902 504 500 - www.servinova.com