Nesta ocasión, os dous intérpretes soben ao escenario para reflexionar sobre unha cuestión simple, sinxela, do máis mundana, unha cuestión que é tan vulgar que lle acontece a calquera, mesmo a un ninguén: A existencia! Esa é a cuestión e non o outra.

A filosofía proclama iso de que un ser humano “pensa, logo existe.” Pero... de verdade facemos unha cousa antes ca outra? Deive e Iglesia comezan nese punto a interpretar a partitura da obra, escrita e dirixida polo actor e director teatral Diego Rey. Se en Sede de Mal, Boneca Lareta propúñanos unha comedia a doce cordas sobre o lado escuro da vida, agora as cordas soan ao redor do lado menos sensato desa mesma vida de claroscuros. 

Con esta obra, volven xuntarse sobre o escenario e grazas a Boneca Lareta dous dos actores máis importantes e coñecidos do mundo teatral galego. Falamos de Luís Iglesia e Xabier Deive. O primeiro é coñecido principalmente polo seu papel en series como Pazo de Familia ou Matalobos e varios programas de TVG. No teatro, ademais, traballou habitualmente na compañía Teatro do Aquí en montaxes como Rastros, de Vidal Bolaño. Deive, pola súa banda, é un actor de longo percorrido no audiovisual galego, con personaxes moi relevantes en series como A vida por diante ou Matalobos e actor habitual de series de ámbito estatal.

Venda de entradas:

Despacho de billetes Central, Praza de Ourense: de luns a venres de 9.30 a 13 e de 16.30 a 19.30 h

Despacho de billetes Forum: só días de función, desde unha hora antes do espectáculo.

Televenta: 902 044 226 (luns a venres de 9.00 a 22.00 h, sábados de 14.00 h a 22.00 h, domingos de 16.00 a 21.00 h) - www.ticketea.com (servizo permanente 24 h )