Dulce Pontes regresa ao seu público coas maletas cheas de novidades poético-musicais
08/11/2014
Xa rematou
21.00 horas
Palacio da Ópera A Coruña . Glorieta América S/N. 15004 A Coruña
De 30 a 40 euros, segundo zona.
Parte do repertorio que nos ofrecerá son algúns dos temas que integrarán o seu próximo traballo, Puertos de abrigo, onde poderemos escoitar dende duetos a temas acompañados ao piano, simplemente gozando da súa interpretación baixo o latexar dunha voz privilexiada que se modula en infinitos de susurrante intimidade, a ceos vocais abertos que parece non atopar límite. Rasgando, seguro, unha emoción indescritible.
Desfilarán temas como Vamos Nina de Astor Piazzolla e Horacio Ferrer, Alfonsina y el mar de Ariel Ramírez e Félix Luna, Solo le pido a Dios de León Gieco, La bohemia de Charles Aznavour e Jacques Plante, La leyenda del tiempo do poema de Federico García Lorca adaptado por Ricardo Pachón para Camarón de la Isla...
“Cada canción un porto de abrigo máis aló de conceptos como o tempo ou a distancia. Un espazo máxico onde se atopan todas as almas que é a razón do meu existir” Dulce Pontes*
Doutra banda, sorprenderanos con novos temas do folclore e do fado con maiúsculas. Fados que interpretará por primeira vez en público. Algúns con arranxos máis modernos. Outros, á maneira máis ortodoxa da nudez da alma-fado.
Volverán vivir na voz lusa as composicións fadistas de Alain Oulman a quen amou dende temperá idade escoitando os vinilos da raíña do fado Amália Rodrigues. E con temas inéditos por exemplo: Meu amor em Aranjuez con música do adagio do mestre Joaquín Rodrigo e letra da propia Dulce Pontes. Ou, “No te vayas” con música de Dulce Pontes e letra de Maxi de la Peña.
Unha paleta de pintura onde cada cor é unha porta ao abrigo, ao folclore, ao fado, á canción, á raíz da beleza do sentimento expresivo musicado no movemento desta polifacética cantante compositora multirexistros, Dulce Pontes.
Dulce Pontes, voz
Daniel Casares, guitarra
Juan Carlos Cambas, piano
Paulo Lima da Silva, percusión
Fernando Silva, guitarra portuguesa
Amadeu Magalhaes, gaita, frauta e viola
Entradas: Zona A: 40,00 euros, Zona B: 35,00 euros, Zona C1: 30.00 euros, Zona C2: 30.00 euros
Venda de entradas:
Televenda: http://www.servinova.com - Teléfono: 902.504.500
DESPACHO DE ENTRADAS DA PRAZA DE OURENSE de luns a venres (excepto festivos) de 9.30 a 13 h e de 16.30 a 19.30 h (pagos en efectivo)
DESPACHO DE ENTRADAS DO PALACIO DA ÓPERA: o mesmo día de 11.00 a 14.00 e de 17.00 ata comezo do espectáculo.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible