Davide Salvado
Davide Salvado é sen dúbida unha das voces máis carismáticas do noso país. De formación autodidacta, leva media vida percorrendo as aldeas galegas na procura de ritmos, coplas e danzas.
Tras dous anos de xira co seu espectáculo "Árnica pura", producido por Eliseo Parra, Davide presenta agora "El ladrón de fresas".
Colaboracións de luxo, como a de Mercedes Peón, enchen aínda máis de forza este novo álbum, no que o concepto estético cumpre un importante papel. "El ladrón de fresas", inspirado nos fermosos deseños do artista William Morris, é ao mesmo tempo un disco cento por cento galego, no que a voz e as percusións tradicionais teñen o protagonismo. Un traballo feito dende o corazón, un agradecemento a todas esas pandereteiras e bailadoras maiores, mulleres fortes e anónimas, que lle ensinaron a Davide a ser o que é.
Entidades
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible