Dani Diges representou a España no Festival de Eurovisión 2010 co tema "Algo pequeñito" que obtivo moi boas críticas por parte da prensa especializada internacional. Ese mesmo ano ficha con Warner para editar o seu primeiro álbum 'Daniel Diges', que chegou a ocupar o número 6 das listas de vendas.

No 2012 lanzou o seu segundo álbum "¿Dónde estabas tú en los setenta?", un disco de versións de grandes éxitos dos anos 70.
Dende setembro do 2012 está a protagonizar o musical "La Bella y la bestia" de xira por toda España, compaxinándoo coa súa participación no programa de Antena 3 TV Tu cara me suena, onde cada semana nos emocionou coas súas imitacións de Montserrat Caballé, Nino Bravo ou Antonio Molina.

Agora está preparando o seu novo disco e a xira na que dividirá o repertorio en tres partes unha co mellor do primeiro disco, a central cos temas máis coñecidos dos musicais que protagonizou e a última cos éxitos dos 70 para non parar de bailar.