A través dos seus catro movementos cheos de danzas, tanto campesiñas como macabras, Mahler preséntanos a súa visión da vida tras a morte, cuxa temática é explícita no último movemento da obra, unha canción titulada Das himmlische Leben (A vida celestial). A voz de Mª Eugenia Boix transportaranos ao mesmísimo Ceo onde, a través dos ollos dun neno, descubriremos os praceres celestiais, gozando especialmente dos gastronómicos e dos musicais.

Completará o programa o Preludio á sesta dun fauno de Claude Debussy. Contemporánea á sinfonía de Mahler, mergullaranos nun mundo sonoro completamente diferente no que a transcendencia mahleriana é substituída pola sensualidade das harmonías debussistas, reflectindo o ambiente do poema de Mallarmé no que se inspirou o compositor.

Natalia Ensemble, agrupación formada por novos membros das mellores orquestras europeas, elixiu estas dúas obras mestras que, pola súa calidade camerística, adáptanse á perfección a esta formación.