O fío de diálogo que afrontaremos titúlase: O valor non importa e profundaremos no valor que ten o noso traballo, o valor que posúen as nosas profesións, cómo valoramos a nosa actividade e, en definitiva, cómo se nos valora socialmente. Abordaremos cuestións tanto enfocadas á cuestión económica como á calidade e a capacidade do noso sector para outorgar e achegar crecemento a outros sectores.

Creativos anónimos pretende ser un espazo para o diálogo, dedicado a poñer sobre a mesa temas e problemáticas propias das profesións de carácter creativo. Participan creativos de diversas disciplinas tales como deseñadores, arquitectos, artistas, ilustradores ou cineastas. 

Creativos anónimos realízanse co apoio do Concello da Coruña e o equipo do Centro Ágora, onde se desenvolverán as reunións unha vez ao mes.

Entre os obxectivos desta iniciativa están: o desenvolvemento do diálogo e interacción entre creativos, a procura de solucións ás distintas problemáticas do sector e o desenvolvemento de actividades de sensibilización que contribúan a mellorar e dar valor social ás prácticas de carácter creativo.