O Noroeste Pop Rock 2013, un dos festivais de música máis seguidos e esperados cada verán na Coruña, arrinca hoxe dando os seus primeiros pasos coa presentación do concurso que organiza o Concello para seleccionar os catro grupos que participarán no certame como teloneiros.

Mediante este concurso serán seleccionadas dúas bandas de rock e outras dúas de pop a través dun sistema mixto formado por un xurado profesional e o público. “Coa posta en marcha deste concurso incentívase dende a cidade da Coruña   a creatividade dos músicos residentes na comunidade”.

En concreto, o sistema de elección contará con dúas fases, unha primeira de preselección na que o xurado se reunirá para escoitar os traballos presentados e elixir de entre todos os participantes a oito grupos, e unha segunda fase xa de selección na que eses oito grupos optarán a figurar finalmente entre os catro teloneiros do Noroeste Pop Rock 2013.

Esta segunda fase de selección final desenvolverase os días 15 e 16 de xullo, cunha actuación en directo dos grupos preseleccionados na Sala Túnel do Coliseum, con acceso gratuíto a través de invitación. "Desta selección elixiranse os catro grupos que actuarán en directo no Noroeste Pop Rock, que se realizará na praia de Riazor os días 9 e 10 de agosto".

Coliseum-O Túnel, 15 de xullo, 20 h.   CONCURSO FESTIVAL NOROESTE - Categoría Pop   

Coliseum-O Túnel, 16 de xullo, 20 h.   CONCURSO FESTIVAL NOROESTE - Categoría Rock