Proxeccións e coloquios con invitados.

Existe un tipo de películas adiantadas ao seu tempo, que no seu momento foron recibidas con alzamento de cellas en xeral, pero que pouco a pouco foron calando na conciencia de toda unha xeración de espectadores e recollendo unha especie de culto ao seu redor. Cine polémico, profundamente persoal e intransferible, cine destinado a un debate sen fin.

No Fórum Metropolitano queremos sumarnos a ese debate e por iso propoñemos un apaixonante ciclo de verdadeiras xoias do cine das marxes, con nomes como David Lynch, Wong Kar-wai ou Quentin Tarantino. Con nocturnidade e aleivosía (e un punto vándalo) proxectaremos varios destes títulos e posteriormente charlaremos sobre a película cunha recoñecida personalidade da cultura.