Juana é un agasallo para o espectador. Capaz de crear unha mestura explosiva de amor e desamor, tenrura, crueza, dor e paixón. Prisioneira do seu propio destino como muller, como nai e como raíña. O triste designio dunha muller sen ambición que sobreviviu a todos os que a repudiaron deixándoa morrer lentamente reivindicando o dereito a amar como razón para non morrer.

A nosa Juana é unha revisión do personaxe histórico cun enfoque contemporáneo: hoxe todos podemos comprender as artimañas do poder, a desolación de ser casada aos 16 anos contra vontade, a angustia de ser encerrada 46 anos... esta é unha Juana abandonada, muller e raíña, que rebusca con cansazo entre o recordo e a desesperación para entender unha vida imposta polas necesidades dun Estado. Pais, amor, fillos... parecen estar presentes na escena, unha fantasía dolorosa que a arrastra no camiño da tolemia. Unha mirada nada dos ollos de Juana, Juana I de Castela, a tola, nai de reis e raíñas, testemuña e vítima das intrigas e ambicións de palacio.

O berro desgarrado de quen sobreviviu aos que teceron a súa tolemia.

Con Gema Matarranz, Enrique Torres

Dirección: J. D. Caballero

Compañía: Histrión Teatro

**RECOMENDADA PARA MAIORES DE 14 ANOS**

Funcións: 20.30 h

Entradas: 14'00, 10'00, 8'00, 6'50 euros (carné xove, + 65 anos, desempregados: -20%)

* VENDA DE ENTRADAS SOLTAS A PARTIR DO 6 DE SETEMBRO*

Venda de entradas:

Despacho central, Praza de Ourense: de luns a venres de 9.30 a 13 e de 16.30 a 19.30 h.

Despacho do Teatro Rosalía: só días de función, de 12 a 14 e de 18 a 20 h.

Venda telefónica: 902 504 500.

VENDA DE ENTRADAS SOLTAS: dende o 6 de setembro do 2013.