Asegura o autor, facendo uso do sentido do humor, que nos atopamos diante dun drama ao cadrado; esa curiosa definición podería levarnos a imaxinar un "culebrón", ou un "melodramón", ou un espectáculo "tremendo". Pois vai ser iso. Desola ofrécenos un texto de moi alta calidade dentro dunha orixinal estrutura dramática e, xunto con iso, sitúannos nun inquietante e conmovedora paisaxe humana. Personaxes adultos, fráxiles como críos, golpeados polas circunstancias que a vida lles impuxo, andan á procura dun buraco que lles permita crer que existe a luz ao final do túnel.

A dureza da perda é abordada polos personaxes de Desola dende a creación de mundos paralelos, nunha fuxida cara adiante á procura desesperada dun espazo de felicidade que lles permita seguir avanzando, que lles permita intuír un novo horizonte para as súas realidades castigadas. Talvez unha mirada? Se cadra. Ou non. Vale a pena intentalo.

Ao final do espectáculo os espectadores tamén han de crer que, a pesar de todo, podemos ser felices.

Con Gonzalo M. Uriarte, Marcos Vieitez, María Barcala.

Dirección: Xúlio Lago

Compañía: Teatro do Atlántico

Funcións: 20.30 h

Entradas: 14'00 10'00, 8'00, 6'50 euros (carné xove, + 65 anos, desempregados: -20%)

* VENDA DE ENTRADAS SOLTAS A PARTIR DO 6 DE SETEMBRO*

Venda de entradas:

Despacho do Central, Praza de Ourense: de luns a venres de 9.30 a 13 e de 16.30 a 19.30 h.

Despacho do Teatro Rosalía: só días de función, de 12 a 14 e de 18 a 20 h.

Venda telefónica: 902 504 500.

VENDA DE ENTRADAS SOLTAS: dende o 6 de setembro do 2013.