A súa voz ten a profundidade, o sentimento e a consistencia das grandes, os seus coñecementos musicais son de grao superior e cando senta ante o piano escoitamos a unha instrumentista de primeiro nivel.

Chila Lynn é unha artista completa, integral e de enorme solidez que comeza unha carreira que apunta todo o máis alto co seu álbum de debut Real Woman.
As cancións do primeiro álbum de Chila Lynn enmárcanse nese soul-pop de raíz negro-americana que só está ao alcance de artistas coa solidez musical de Chila, depositaria dunha voz excepcional e dunha capacidade interpretativa que asombra dada a súa mocidade.

A súa música une o contemporáneo cun alento Motown que sitúa a Chila Lynn nese terreo intemporal no que a calidade manda e o futuro preséntase infinito e prometedor. Un claro exemplo é o primeiro single “When Love…”.

Entradas:

Venda anticipada: 15 euros / Venda no despacho de entradas: 18 euros (carné xove, +65 anos ou desempregados: 13 euros)

** O desconto só se aplicará na venda anticipada.

Venda de entradas:

- Despacho da Praza de Ourense: de luns a venres de 9.30 a 13 h e de 16.30 a 19.30 h (pagos en efectivo)

- Despacho do Ágora: mesmo día dende unha hora antes (pagos en efectivo)

- Televenda: 902 504 500 - www.servinova.com