Xacarandaina nace no ano 1978 co obxectivo de gozar do tempo de lecer a través do baile e da música da nosa terra. Comeza sendo unha asociación xuvenil, para converterse no ano 2008 en asociación cultural.

Actualmente está formada por unhas 1.000 persoas e conta con actividades moi diversas, durante todos estes anos, a asociación foi pioneira na organización de eventos como "O día da muiñeira na Coruña" ou o "Concurso de Música e Baile Tradicional", ao que acode a mocidade de toda Galicia e mesmo das casas galegas da Península.

Ademais, a través do Grupo de Música e Baile Tradicional Xacarandaina, dirixido por Henrique Peón, participa en festivais internacionais, polo que participa na divulgación do noso folclore por todo o mundo ( Francia, Ucraína, Hungría, Italia...)

Coreografía e interpretación: Grupo de Música e Baile tradicional Xacarandaina

Lugar: Parque de Marte - praza de Mª Pita (pola praza de España) - Rúa Historiador Vedía - praza de Mª Pita (por San Andrés) - praza de Ourense - praza de Mª Pita (polos Cantóns)