Nacín en San Román de Cervantes, Os Ancares, Lugo en 1975.

Tardei en aprender a ler porque confundía a orde das letras e as palabras, as persoas encargadas da miña educación dicían que tiña imaxinación pero que non me centraba. Poida que por levarlles a contraria desde entón reteño todo o que observo e convértoo en historias, agora expoñelas con imaxinación é a miña profesión.

"A ruptura cos mestres é condición necesaria para que xermine a vontade real de escribir" Carmen Martín Gaite.

Pero antes de que así fose traballei como: "pipa" en concertos, director de campamentos, impartín clases de animación, fun monitor de persoas con parálise cerebral, traballei como monitor en campamentos da ONCE e matriculeime en psicoloxía. A miña carreira universitaria durou pouco porque comecei a traballar como animador de tempo libre nun concello no que estiven dez anos. Parecía que a miña vida estaba destinada ao tempo libre e todas esas historias retidas na miña cabeza pedían a berro que lles dedicase máis tempo.

En febreiro de 2009 fíxenlles caso, deixei o meu traballo na administración pública e comprometinme con elas. Agora esas historias teñen toda a miña atención e móstroas de todas as formas que podo.

Este é o meu mundo, grazas por interesarte por el.

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h.

Despacho do Fórum Metropolitano: aberto só días de función desde unha hora antes (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) ou web