Un poema visual sobre a perda da memoria individual. Unha danza macabra fotográfica para celebrar o esquecemento. Un desfile fantástico de retratos animados á procura de si mesmos.

Cando Percival morre, o seu retrato con bombín ve con impotencia como lle pasa por diante a película da súa vida nunha secuencia de fotos que acaban dentro dunha caixa de madeira. Perci entón inicia a persecución desa caixa que garda a súa memoria. Entra nun inframundo ausente de lóxica, habitado por fotografías dispostas a sucumbir ao seu destino. As imaxes vanse perdendo polo camiño. A caixa ábrese e alí dentro nese baleiro Perci descúbrese na máis inmensa soedade, participando nun baile frenético consigo mesmo por manter viva a súa memoria.

Venda de entradas:

Despacho de billetes Central, Praza de Ourense: de luns a venres de 9.30 a 13 e de 16.30 a 19.30 h. Temporalmente ubicada no Teatro Rosalia de Castro no mesmo horario.

Despacho de billetes Forum: só días de función, desde unha hora antes do espectáculo.

Televenta: 902 044 226 (luns a venres de 9.00 a 22.00 h, sábados de 14.00 h a 22.00 h, domingos de 16.00 a 21.00 h) - www.ticketea.com (servizo permanente 24 h )