Concerto BRINCA VAI! 2.0
ESGOTADAS AS INVITACIÓNS. Brinca Vai! 2.0 é un espectáculo musical e audiovisual baseado no libro-cd-dvd Brinca Vai, editado por Kalandraka Editora, no que se combinan cancións, imaxes, vídeos, animacións, retransmisións en directo e interpretacións cos ritmos e rexistros máis divertidos.
A quen vai dirixido?:
Familias con nenas e nenos a partir de 4 anos.
A quen vai dirixido:
Para público en xeral, Familias
Cando:
16/05/2015, de 18:30 a 19:30
Xa rematou
Horario:
18.30 h
Duración:
1 hora
Enderezo:
Prezo:
Entrada gratuíta, con invitación.
As invitacións poderanse recoller (máximo 4 por persoa) nas conserxerías do Centro Ágora e do Fórum Metropolitano, dende o luns 11 de maio, ás 9.00 h (ata que se esgoten).
As nenas e nenos menores de 3 anos que non ocupen asento non necesitan invitación.
Nesta ocasión, o músico e actor Paco Nogueiras e o artista audiovisual Xosé Miguel Sagüillo combinan a súa tecnoloxía, aparellos e instrumentos nunha divertidísima viaxe chea de humor, cores, imaxes, bailes e cancións.
As alegrías, as amizades, os libros, a poesía, a ecoloxía, as festas do ano (o Magosto, o Entroido, o Nadal etc.) e o respecto á nosa lingua serán parte da equipaxe. Unha fantástica oportunidade de regalar os ollos e as orellas, brincar e pasalo ben coas amigas e amigos nun particular camiño onde a música e a imaxe soan con forma de sorriso.
Brinca Vai 2.0 convértese nun espectáculo interactivo onde a música colle forma e a imaxe soa máis alegre. Brinca Vai 2.0 viaxará alí onde alguén queira cantar, rir, bailar ou simplemente escoitar cos ollos, as mans e as orellas ben abertas!
- Guión e dirección artística: Paco Nogueiras e Xosé Miguel Sagüillo
- Música e son: Paco Nogueiras
- Imaxe e vídeo: Xosé Miguel Sagüillo
- Vestiario: Paco Nogueiras
Recomendado para familias con nenas e nenos a partir de 4 anos.
Actividades relacionadas
- Concerto LUCECÚS de Pirilampo (07/06/2015 ás 13:00 en Auditorio do Fórum Metropolitano. Inscricións dende o 25/05/2015)
- 2º Concerto-taller SON XOGOS, XOGOS SON (09/05/2015, de 12:00 a 13:00 en Centro Sociocultural Ágora. Inscricións dende o 27/04/2015 ata o 06/05/2015)
- Obradoiro de nanas. Arrolos de salitre (Os días 06/06/2015 ás 12:00 , 05/06/2015 ás 18:30 en Centro Sociocultural Ágora. Inscricións dende o 01/06/2015)
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible