Con personaxes errantes como protagonistas; que se enfrontan ás súas dificultades cotiás, loitan polos seus desexos mundanos.

Susana (María Morales) e Juan Ignacio (Carlos Guerrero) viven sós nunha pequena cidade de provincia. Juan ten un atraso madurativo e parece un neno pequeno. A Susana non lle foi fácil criar soa a Juan despois de que o pai os abandonase. Quizais por iso o sobreprotexe tanto. Pero conseguiu chegar a un equilibrio e á súa forma de facelo.

As cousas van cambiar tras a chegada de Valeria (Marina Salas), unha adolescente, sobriña de Susana, á que a nai a manda "ao campo" tras atoparlle un cigarro de marihuana e considerala drogadicta.

Unha comedía dramática chea de humanidade, escrita por unha arxentina, Lorena Romanín, e dirixida por outra, Adriana Roffi.

Venda de entradas:

Despacho Central, Praza de Ourense: de luns a venres de 9.30 a 13 e de 16.30 a 19.30 h. Temporalmente situada no Teatro Rosalía no mesmo horario.

Despacho do Fórum: só días de función, dende unha hora antes do espectáculo.

Televenda: 902 044 226 (luns a venres de 9.00 a 22.00 h, sábados de 14.00 h a 22.00 h, domingos de 16.00 a 21.00 h) - www.ticketea.com (servizo permanente 24 h)