Afogado pola crise mais sen perder o sentido do humor, un mestre de cerimonias debe seguir abrindo o seu negocio para subsistir e pagar as súas débedas.

Nun local bastante máis modesto e xa sen músicos, sen luces, sen corpo de baile e co pouco que escapou ao empeño no monte de piedade, á estafa das preferentes ou ao desafiuzamento do seu anterior local, o director e único supervivente deste cabaré mostrará que, con actitude e con ganas, o espectáculo pode continuar.

Un compendio de pildoriñas de micro-cabaré nun exercicio de cinismo, humor acedo e sinceridade brutal que se converte así nunha metáfora da situación actual e, por que non ... tamén persoal.

Guión de Nelson Quinteiro sobre textos creados para espectáculos como Lerchas, Varadas, Las niñas perdidas, Master Class Cabaret ou Bonjour Bonjour!, da Compañía Femme Fatale. Sobre bases de autores como Darío Fo e Franca Rame, Eduardo Galeano ou Félix Sabroso.

Con Nelson Quinteiro.

Entradas: 7.00 euros (carné xove, +65 anos ou desempregados: 5.00 euros)

Venda de entradas:

- Despacho da Praza de Ourense: de luns a venres de 9.30 a 13 h e de 16.30 a 19.30 h (pagos en efectivo)

- Despacho do Fórum Metropolitano: mesmo día do espectáculo, dende unha hora antes (pagos en efectivo)

- Televenda: 902 504 500 - www.servinova.com