Álex, escritor e profesor de literatura, e a súa muller Carlota, que traballa nunha revista de arte, non dan crédito cando saben que os seus mellores amigos, Alicia e José Luis, aparentemente unha parella perfecta, decidiu separarse. A partir desta noticia, a parella comeza a formularse se o seu matrimonio se basea nunha relación realmente sólida.

Álex Rigola adapta por primeira vez ao teatro este brillante guión de Woody Allen arredor da complexidade das relacións de parella.

Tras a súa estrea en La Abadía o pasado 17 de xaneiro do 2013, e despois dunha xira por máis de dez cidades españolas, volve ao seu lugar de orixe este espectáculo "terapéutico", segundo o seu director, no que o espectador comparte, non só a intimidade da vida en parella dos personaxes, senón o seu espazo nos propios sofás da escenografía.

Allen lémbranos que o concepto do amor é un invento da Idade Media e que querer vivir en parella é algo máis profundo, no que temos que relaxarnos e saborealo sen esperar que sexa sempre coma nos inicios. É así de certo, de triste ou de simple. Ou quizais non. Woody Allen terminou separándose e xuntándose coa súa filla adoptiva pouco tempo despois de estrear a película. Ou sexa que debatan e saquen as súas propias conclusións. En todo caso, "Maridos y mujeres" é un grande espello das relacións humanas dun mestre do século XX.

Intérpretes: Luis Bermejo, José Luis Torrijo, Miranda Gas, Elisabet Gelabert, Fernando Soto, Nuria Mencía.

Dirección e versión teatral de Álex Rigola.

VENDA DE ENTRADAS

Despacho da Pza. Orense: de luns a venres (excepto festivos) de 9.30 a 13 e de 16.30 a 19.30 h.

Despacho do Teatro Rosalía: día de función de 12 a 14 e de 18 a 20 h.

Televenda: 902 504 500 - www.servinova.com