Un dúo cómico procedente dos límites da delicuencia, Mofa & Befa, foron detidos o ano pasado en Almagro tran infrinxir dolorosas feridas ao inmortal Shakespeare. Postos en liberdade por un erro xudicial, saen do cárcere onde os recluía a crítica e regresaron a Almagro para saciar a súa sede de vinganza. Quen é a vítima? O inocente teatro clásico español.

Aproveitando o seu acento, fanse pasar por criados galegos e desgástanse cinicamente en xenuflexións e reverencias para gañarse a simpatía do público. No cárcere adquiriron unha enfermidade de transmisión textual que os obriga a falar en verso.

Poden transformarse, para lograr os seus fins, en anxos ou demos, cabaleiros ou bufóns, bobas ou galegas.

Quico Cadaval

Con Mofa & Befa, Evaristo Calvo e Víctor Mosqueira

Dirección: Quico Cadaval

Venda de entradas:

Despacho Central, Praza de Ourense: de luns a venres, de 9.30 a 13 e de 16.30 a 19.30 h

Despacho do Teatro Rosalía: só días de función, de 12 a 14 e de 18 a 20 h

Sede Afundación: de luns a sábado, incluídos festivos, de 9 a 21 h

Venda telefónica: 902 504 500

Compañía: Mofa & Befa en coprodución co Festival Internacional de Teatro Clásico de Almagro.