Mañá mércores, 22 de xuño, ás 11.30 horas terá lugar nas nosas instalacións do Centro Municipal de Empresas da Grela, o VIII Encontro de Presentación de Proxectos, onde as emprendedoras e emprendedores que participaron no noso Itinerario Formativo, presentarán as súas iniciativas.

No evento, organizado pola Área de Emprego e Empresa do noso Concello, coñeceremos o estado e as emprendedoras e emprendedores dos seguintes proxectos:

12 Deleite (emprendedora: Nuria Cortizas Ledesma): proxecto baseado na elaboración artesanal de doce de leite 100% de Galicia.

Approvecha Coruña: (emprendedora: Laura Pérez López): o proxecto baséase nunha aplicación web por categorías de difusión de eventos e lecer na localidade da Coruña fácil e clara para todo tipo de usuarios dividido por categorías e tipoloxía delas.

Belagua: (emprendedor: Ramón López López): restaurante bar dedicado á comida sa e saudable.

Buttercow (emprendedor: Rubén Vicente Otero López): o proxecto consiste na instalación e posta en marcha dunha tenda baixo a franquía SANBRANDAN.

Coll Consultores: (emprendedor: Humberto Coll Alcina): firma consultora en formación e asesoría en recursos humanos e prevención de riscos laborais.

Daltopía: (emprendedoras: Reyes Quián Regaldíe, Doar Rodríguez Pas, Sara Pena e Mª Saavedra Canalejo): estudio de deseño gráfico, adaptamos a gráfica para persoas daltónicas.

A arca de Noé: (emprendedora: Sara Cunsolo Esparis): posta en marcha e explotación dunha cafetería con área infantil.

Mantra: (emprendedora: Pamela Conde Rojas): aplicación de técnicas de ioga para a aprendizaxe.

A asistencia é gratuíta, así que se queres coñecer o estado do emprendemento na nosa cidade, non deixes de acompañarnos.