O Maratón Coruña42 ofrecerá na súa edición de 2016 unha master class co atleta Abel Antón, que participará na proba 10 k que terá lugar o domingo de forma paralela á C42. O parladoiro será este sábado 16, ás 19.00 horas, no Salón Cultural do Corte Inglés en Marineda City. No acto presentarase a biografía deste bicampión do mundo de Maratón e un vídeo duns cinco minutos de duración cos mellores momentos da súa carreira.

Antón compartirá a súa experiencia sobre como preparar un maratón con todas e todos os runnes, persoas que senten, practican e optan polo atletismo como unha forma de vida. O atleta responderá a todo tipo de preguntas, sobre a súa vida deportiva, adestramentos para a maratón e resolverá dúbidas xunto con grandes consellos para corredores populares.