O Circuíto Coruña Corre trasladouse nesta ocasión ao populoso barrio de Novo Mesoiro onde o domingo 2 de decembro se realizou a cuarta edición da súa carreira popular e terceiro memorial Iván Rocha Freire en recordo ao seu veciño, promotor da súa primeira edición.

A carreira popular de Novo Mesoiro supuxo unha nova xornada de numerosa participación a pesar da inestabilidade climatolóxica, con todo os runners coruñeses e vidos de distintas localidades, continúan batendo todos os rexistros de participación carreira tras carreira, sobre todo no apartado da categoría de "pitufos" que tivo un considerable aumento respecto á pasada edición do circuíto.

Para lembrarche este día, a organización de Coruña Corre elaborou un vídeo de seis minutos de duración no que se recollen os mellores momentos nunha carreira que congregou a centos de atletas.

Goza a través deste enlace ao vídeo e se te atopas nel cóntanolo en Twitter: @CorunaCorre.