A VI Carreira Popular San Silvestre, que se disputará o 31 de decembro pola tarde, será a despedida festiva do alfalto, ata o ano que vén, de miles de deportistas da cidade. Se a carreira nacía coa ilusión de alcanzar os 1.000 corredores na súa primeira edición, limitando a este número a súa participación, progresivamente foi ampliando este límite ante a continuada demanda dos atletas para despedir deportivamente o ano. Desta forma na edición de 2012 aumentou a 1.250 corredores, subindo ata os 2.000 atletas en 2013 e alcanzando os 2.500 atletas en 2014. Este ano poderán participar un total de 3.000 deportistas.

A proba disputarase a partir das 17:00 horas e as inscricións poderán realizarse ata as 23.00 horas do día 22 de decembro a través das webs www.championchipnorte.com e www.sansilvestrecoruna.com cun importe de 12 € ou 10 € para os que posúan chip en propiedade. A retirada de chips (rexeitables) e dorsais efectuarase os días 29 e 30 de decembro de 10.00 a 14.00 h. e de 17.00 a 21.00 h. no Complexo Deportivo Metropolitan La Solana.

A San Silvestre coruñesa cubrirá un percorrido de 7.600 metros aprox. Nesta edición, a organización outorgará premios ao mellor disfrace individual e colectivo, así como á familia mellor disfrazada, ademais dos trofeos para os tres primeiros clasificados de cada categoría.