A Popular dos Rosales supuxo a primeira estación do Circuíto de Carreiras Populares Coruña Corre o pasado domingo día 19 ás 10.00 horas na Praza Elíptica, nunha proba que reuniu máis de 2000 corredores repartidos dende a proba absoluta ata a de pitufos. Moitas estampas foron inmortalizadas polo fotógrafo da organización: momentos que plasmaban o esforzo, as ganas, a complicidade e a deportividade que reinou durante toda a cita deportiva.

Ao longo de diferentes zonas do trazado, que discorría pola zona do Portiño, Travesía dos Fortes, Ronda de Outeiro, Manuel Azaña e a Praza Elíptica os fotógrafos colocáronse dispostos a captar ese instante que converte as carreiras coruñesas en algo especial. A loita contra un mesmo, a forza, o decoro, a gana. Miles de instantáneas nas que os runners foron de novo os verdadeiros protagonistas.

Podes acceder ao álbum de fotos co que inauguramos unha nova temporada no Circuíto de Carreiras Populares #CoruñaCorre, recordos que agora poderedes atesourar buscándovos nas nosas galerías para rememorar o vivido e facer gana para a próxima proba, o Memorial Iván Rocha Freire de Novo Mesoiro, que se realizará o próximo 2 de novembro e cuxo prazo de inscrición xa está aberto. Porque quedan moitas galerías de recordos que encher, vides?