A #PopularNovoMesoiro será unha gran festa deportiva este domingo día 2 a partir das 10.00 horas, non só por ser a segunda cita do Circuíto de Carreiras Populares #CoruñaCorre, senón porque os finisher da #PopularLosRosales e inscritos no circuíto #CoruñaCorre poderán recoller o premio ao seu esforzo ao ter lograr traspasar o arco de meta da primeira cita. Habilitarase un posto no que os galardoados, debidamente identificados co seu DNI e número de dorsal, poderán recoller en horario por determinar a medalla de finisher de #PopularLosRosales.

A presea entregaráselles a todas as persoas corredoras inscritas no circuíto e que finalizasen a primeira proba excepto no caso da categoría pitufos, grupo de idade que xa recibe medalla por participar en cada unha das carreiras e que, do mesmo xeito que na gala de pasada edición, a organización premiará a todos os corredores finisher das seis probas nese grupo de idade cun peluche personalizado como obsequio.

A presea de finisher da #PopularNovoMesoiro entregarase na seguinte cita, a #PopularTorredeHércules, do próximo 27 de marzo, a todos aqueles que completasen as dúas primeiras citas e estean inscritos no circuíto, e así sucesivamente ata chegar á última proba do dito circuíto, a Volta Oza, do próximo 9 de agosto. Os runners que finalizasen as cinco probas anteriores e que estean anotados ao circuíto recibirán na gala de #CoruñaCorre a última presea e o estoxo conmemorativo que os acredite como corredores finisher das seis carreiras do circuíto e onde poderán gardar e expoñer as medallas coleccionadas co seu esforzo.

A organización de #CoruñaCorre quere premiar así o esforzo dos participantes finisher e inscritos no circuíto en cada unha das probas, para que con cada nova cita teñan como aliciente recibir a medalla que acredite que lograron finalizar a competición. Unha forma de ir mostrando as súas fazañas ao longo de todo o circuíto e un acicate para asumir cada un dos cinco retos que aínda quedan por diante aos participantes de #CoruñaCorre, que este ano cumpre a súa terceira edición.