De que se trata?

COPPADIS é un estudo que pretende mellorar a calidade de vida dos pacientes e influír positivamente na súa contorna social e familiar. A enfermidade de Parkinson é a segunda enfermidade neurodexenerativa en España por número de habitantes, e estímase que en España hai arredor de 300.000 casos.

Aínda que se descoñecen as causas, un achado coincidente e seguro responsable dos síntomas é a falta de dopamina. Dende hai máis de catro décadas, o tratamento principal empregado para a maioría de pacientes é a Levodopa, que demostrou ser efectiva pero tamén ten efectos secundarios.

Por iso, o Proxecto COPPADIS pretende definir dunha maneira moi rigorosa e completa unha poboación de pacientes con Parkinson para coñecer diferentes aspectos que permitan ensaiar futuros tratamentos, mellorar a calidade de vida dos pacientes e coidadores, e reducir os custos socioeconómicos.

Máis de 30 hospitais sumáronse xa á iniciativa, que consiste nunha avaliación basal por período dun ano e un seguimento posterior de 5 anos.

Como o van facer?

O Proxecto COPPADIS formúlase sobre un concepto conciso e altamente atractivo: a compra de quilómetros. Unha pasarela de pago que establecerán na súa páxina web nos próximos meses permitiralle a todo aquel que queira mercar unha cantidade determinada de quilómetros e posteriormente elixir como facelos: correndo, nadando, en bicicleta, dacabalo… A imaxinación ao poder. Paralelamente, e para poder continuar financiando o proxecto, faranse distintas actividades relacionadas cos quilómetros por distintas cidades. Pouco a pouco poderedes ir descubrindo moito máis a través da súa páxina web.

Nós xa puxemos o noso gran de area, anímaste ti?

Coruña10 agárdate!