A terceira proba do Circuíto Coruña Corre, que se disputará o próximo 28 de marzo xa abriu o prazo de inscrición, e como xa vén sendo habitual realizarase nun máxico ambiente nocturno, baixo a guía da luz do faro milenario. A carreira percorrerá o Paseo Marítimo dende a explanada situada ao pé da Torre de Hércules, ata as Ánimas no Castelo de San Antón e retorno ata a meta, á que chegaremos tras o ascenso á última rampla de subida, ao pé da Torre de Hércules, o que proporcionará unha grande espectacularidade ao levarse a cabo coa iluminación do monumento en todo o seu esplendor e arroupados polos aplausos dos numerosos espectadores, situados ao longo da subida.

A carreira arrincará ás 19.50 horas na categoría absoluta, e percorrerá unha distancia de 6.590 metros. O resto de categorías sairán ás seguintes horas:

• Xuvenil e cadete: 17.15 horas, 2.300 metros.
• Infantil feminino: 17.40 horas, 1.600 metros.
• Infantil masculino: 17.55 horas, 1.600 metros.
• Alevín feminino: 18.10 horas, 800 metros.
• Alevín masculino: 18.20 horas, 800 metros.
• Benxamín feminino: 18.30 horas, 800 metros.
• Benxamín feminino: 18.40 horas, 800 metros.
• Pitufos: 18.55 horas, 150 metros.

As persoas interesadas en participar na proba pódense inscribir ata o luns 23 de marzo ás 23.30 horas a través do seguinte enlace, ademais tamén o poderán realizar de forma presencial na oficina de Viajes El Corte Inglés da Casa da Auga.

Tras esta proba do circuíto Coruña Corre, as seguintes que se realizarán serán:

• VIII Baixada popular de cros San Pedro de Visma. 28 de xuño de 2015 (6.490 metros).
• III Carreira popular Ventorrillo. 12 de xullo de 2015 (5.065 metros).
• IV Carreira popular Volta a Oza. 9 de agosto de 2015 (7.552 metros.)

No medio destas carreiras do circuíto, poderemos gozar das grandes probas de longa distancia da nosa cidade, como son a Coruña21 o 22 de febreiro e a Coruña42 o 19 de abril. Comeza este ano con enerxía! porque temos preparado un inicio moi esixente. Prepárate para gozalo!