A quinta proba do Circuíto Municipal de Carreiras Populares Coruña Corre ofreceunos a oportunidade de coñecer barrios da cidade como Ventorrillo, A Silva e Penamoa, seguramente pouco habituais para os que non son veciños deles. Esa visita brindounos imaxes para o recordo, con vistas panorámicas da cidade da Coruña que non adoitan estar tan presentes nos catálogos. Deportivamente mantívose a tendencia de anteriores carreiras, duplicándose os rexistros de participación respecto do 2013, e manténdose a gran tendencia á alza na participación feminina. Esta vez foron 116 mulleres as que finalizaron o percorrido, fronte ás 37 da primeira edición.

As imaxes xa están dispoñibles nas galerías da web de carreiras populares e a disposición de todas as persoas participantes, que poden buscarse nas fotos e lembrar o día vívido. Ventorrillo foi o penúltimo paso antes do broche final para o Coruña Corre, coa Volta a Oza, a denominada carreira dos tres parques, que seguro que tamén nos deixará imaxes inesquecibles o próximo 10 de agosto.

Podes acceder á galería de imaxes da carreira a través deste acceso.