CoruñaCorre quere asinar o mellor epílogo desta segunda edición do Circuíto de Carreiras Populares e este xoves realizaará unha gala no Ágora a partir das 20.00 horas que colgou hai varios días o cartel de non hai entradas. No evento premiarase a primeiros clasificados das diferentes categorías tanto das carreiras populares como en pista e recoñecerase, ademais, a fidelidade dos corredores inscritos no circuíto e que finalizaron as súas seis probas (Os Rosales, Novo Mesoiro, Torre de Hércules, San Pedro de Visma, Ventorillo e Oza). Na categoría individual lográrono 136 atletas, 6 familias que conseguiron puntuar e 6 equipos mixtos que tamén alcanzaron a puntuación. Estes recibirán un estoxo personalizado coas seis medallas co que poderán demostrar a súa fazaña e gardar para sempre as preseas que atesouran que foron finisher.

Pero para CoruñaCorre todos son gañadores, e a totalidade dos inscritos no circuíto recibirán unha camiseta conmemorativa desta segunda edición. As persoas que non poidan acudir á gala poderán recoller a súa elástica a partir das 19.00 horas do mesmo día. Pola contra, establecerase unha nova data e hora, por determinar, por parte da organización que garanta que ningún atleta quede sen a súa camiseta.

Un evento deportivo destas características implica a colaboración de moitas persoas e organismos, o propio Concello da Coruña, clubs de atletismo, asociacións veciñais, corpos de seguridade etc…, e os seus representantes tamén terán a súa especial mención e recoñecemento na gala de CoruñaCorre. Un circuíto que consolida a boa saúde do running na cidade herculina, e que aumentou o seu nivel de participación con respecto á súa primeira edición e case dobrando o seu número de finisher das seis probas en relación ao ano anterior. Moitos motivos para celebrar nesta gala de CoruñaCorre que despedirá unha temporada na que o running volveuse facer notar nos barrios coruñeses.