A VII edición da Carreira Coruña10 converteuse de novo nunha gran festa do atletismo popular e de competición na que se deron cita máis de 3.500 deportistas. Dende primeira hora da mañá, baixo unha espesa néboa e con frío, preparouse na zona do Obelisco e os Xardíns de Méndez Núñez toda a infraestrutura necesaria para albergar o que se converteu no evento deportivo de participación popular máis multitudinario dos organizados na cidade. O sol e as temperaturas agradables fixeron acto de presenza para o quecemento e a saída dos 2.635 inscritos na proba absoluta ás 11 da mañá.

Tras o pistoletazo a cargo de Francisco Mourelo, concelleiro de Educación, Xuventude e Deportes do Concello da Coruña, todos os participantes enfilaron a Avenida da Mariña para iniciar o percorrido ao circuíto homologado de 10 quilómetros. Unha vez superado o paseo marítimo entre A Maestranza e As Esclavas os atletas pasaron polo control intermedio. Nese punto de rexistro, situado na Casa da Auga, o desenlace da carreira xa estaba escrito. A vantaxe que os ourensáns e compañeiros do New Balance Team, Alejandro Fernández e Yolanda Guitiérrez, conseguiran abrir sobre os seus principais rivais foi suficiente para ambos. Cun ritmo moi alto conseguiron manter as diferenzas ata a liña de meta e reeditar os seus triunfos do ano pasado. Fernández, cun tempo de 29:46, entrou por diante dos seus compañeiros de equipo Lolo Penas (30:09) e Manuel Hurtado (30:30), mentres que Gutiérrez marcou un crono de 34:47 e impúxose a dúas atletas do Bikila: Solange Pereira (35:26) e Paula Mayobre (35:33).

Por detrás deles outros 2.412 atletas finalizaron a proba (2.080 fixérano na edición 2012 de Coruña10). E á conclusión: avituallamento, o coidado para os lesionados por parte dos profesionais do Colexio de Fisioterapeutas e a reunión multitudinaria cos compañeiros de fatigas e os familiares que acompañaron os corredores dende o exterior do percorrido.

Tras a carreira absoluta chegou a quenda para que os menores se enfrontasen ao circuíto instalado entre os Cantóns e a Mariña, percorrendo diferentes distancias en función das súas idades: dende os 17 anos dos xuvenís ata o ano escaso de Martina, a última pitufa en cruzar a liña de meta dando os seus primeiros pasos da man do seu pai. En total case 1.000 nenos e nenas déronse cita para participar no Coruña10 máis multitudinario de cantos se realizaron e que concluíu coa entrega de trofeos aos gañadores de cada unha das categorías disputadas.

Pódiums:

Absoluto masculino:

1. Alejandro Fernández 29:46
2. Manuel Penas 30:09
3. Mauel Hurtado 30:30

Absoluto feminino:

1. María Yolanda Gutiérrez 34:47
2. Solange Pereira 35:26
3. Paula Mayobre 35:33

Veteranos 60+ masculino:

1. Domingo Álvares 43:17
2. Santiago Losada 44:11
3. Jesús Raña 44:34

Veteranas 60+ feminino:

1. María Luisa Armesto 47:53
2. Marí Luz Sanmartín 49:47
3. Pilar Marquiz 54:32

Veteranos 50-59:

1. Andrés Pena 35:32
2. Emilio Martínez 35:340
3. José Luis Bouza 35:53

Veteranas 50-59:

1. Luz María Domínguez 44:20
2. Rosa María de Paz 44:36
3. María Jesús Río 48:26

Veteranos 41-49:

1. Jesús de la Fuente 31:23
2. Ramón Serantes 33:16
3. José Antonio Veloso 33:52

Veteranas 41-49:

1. María Soledad Castro 37:54
2. Sonia Teijeiro 38:04
3. María Cabadas 40:17

Veteranos 35-40:

1. Manuel Penas 30:09
2. Francisco Rodríguez 32:50
3. Apdelkader Bouguerroudj 33:11

Veteranas 35-40:

1. Luz Cerdido 42:18
2. Lucía Armesto 43:25
3. Susana Rial 43:57

Sénior masculino:

1. Alejandro Fernández 29:46
2. Manuel Hurtado 30:30
3. David Solís 30:49

Sénior feminino:

1. María Yolanda Gutiérrez 34:47
2. Solange Pereira 35:26
3. Paula Mayobre 35:33

Promesa masculino:

1. Abdelaziz Fathi 32:53
2. Martín Tahín 34:43
3. Manuel Mediero 36:06

Promesa feminino:

1. Leticia Fernández 36:24
2. Uxía García 39:54
3. Iria Castro 41:39

Júnior masculino:

1. Youssef Kouaou 33:38
2. Olaf Araujo 34:00
3. Sergio Rodríguez 34:36

Júnior feminino:

1. Evelyn Montes 54:47
2. Verónica Castro 1:03:01
3. Andrea Cordero 1:03:01

Xuvenil masculino:

1. Ero Doce 11:12
2. Jorge Puig 11:13
3. Sergio González 11:28

Xuvenil feminino:

1. Uxía Pérez 12:29
2. María Abeledo 15:01
3. Ruth Seoane 15:13

Cadete masculino:

1. Tariku Novales 11:09
2. Adrián Vázquez 11:51
3. Alejandro Díaz 12:45

Cadete feminino:

1. Iria Rodríguez 13:06
2. Iria Causín 13:34
3. Elba Vélez 13:45

Infantil masculino:

1. Arturo Ramos 12:27
2. Daniel Ríos 12:36
3. Diego Martínez 13:38

Infantil feminino:

1. Marta García 13:54
2. Raquel Ruíz 14:23
3. Helena Torreiro 14:26

Alevín masculino:

1. Pablo Freire 04:03
2. Daniel Mato 04:05
3. Gabriel Núñez 04:07

Alevín feminino:

1. Marta Vilas 04:35
2. Alba Méndez 04:40
3. Lucía Seoane 04:44

Benxamín masculino:

1. Aarón Barreto 04:30
2. Pablo Barrán 04:37
3. Sergio Soto 04:41

Benxamín feminino:

1. Deki Mato 04:39
2. Sonia Rivadulla 04:47
3. Paula Pérez 05:01