O 13 de xullo o II Circuíto Municipal de Carreiras Populares Coruña Corre, internouse no barrio do Ventorrillo, co fin de realizar a segunda edición da súa carreira, que non só transita por este barrio, senón que tamén se introduce nos da Silva e Penamoa.

Non faltaron á cita os reporteiros de Meiga Audiovisual, para producir unha reportaxe que foi emitida pola segunda canle da Televisión de Galicia, dentro do seu programa dedicado ao deporte de base Cancha Júnior.

Desta forma temos un documento gráfico do inicio de consolidación dunha cita que, na súa segunda edición, duplicou os seus participantes. Algúns deles foron protagonistas non só polos seus resultados na carreira, senón polas entrevistas que se levaron a cabo e que formaron parte da crónica da popular de Ventorrillo.

Gocemos coa reportaxe mentres esperamos que chegue a Volta a Oza, coa que poñeremos a guinda final ao segundo Coruña Corre.

Acceda a través deste enlace ao vídeo da carreira.