O luns 29 de abril ás 19.00 h na Biblioteca Municipal do Fórum Metropolitano teremos a presentación do libro "Alana" de Ana Guélez.

SINOPSE:

Un acontecemento ocorrido trece anos atrás por superar.

Unhas chamadas misteriosas que farán cambalear a miña vida.

Unha palabra que marcou a miña forma de pensar.

A miña paixón pola fotografía.

Un destino desexado.

Amizade, medos, superación...

E unha persoa que está obsesionada por levar a cabo o seu labor. Seá quen de logralo?

Acompáñasme para descubrilo?

BIOGRAFÍA DE ANA GUÉLEZ:

Son colleita de xaneiro de 1985. Crieime entre a mila vila, Arzúa, e a miña cidade, A Coruña (considereime sempre de ambos os sitios).

Actualmente resido en Navarra.

A escritura forma parte de min desde os doce anos, cando escribín o meu primeiro relato. Deixaba voar a miña imaxinación e enchía cadernos con historias que medraban comigo.

Son unha muller autodidacta. Sigo aprendendo e formándome, tanto en temas de escritura como en crecemento persoal e saúde mental.

Publiquei a miña primeira novela no ano 2016. Colaborei en varias antoloxías benéficas e teño varios libros publicados.

A esencia das miñas historias non só se centra na intriga, senón tamén en personaxes que se enfrontan ás súas emocións.

Acceso libre ata completar capacidade.