Familias con crianzas entre 4 e 8 anos.
22/04/2024
Xa rematou
Dende o 15/04/2024 ata o 22/04/2024
Require inscrición.
18.00 a 19.30 horas.
Biblioteca Municipal Ágora. Lugar Gramela 17. 15011 A Coruña
981 189 886
As Bibliotecas Municipais da Coruña celebrarán a Semana do Libro con actividades literarias do 22 ao 27 de abril baixo o lema “Letras que unen, oficios que inspiran e historias que transforman”. Con actividades para públicos de tódalas idades: obradoiros, contacontos, recitais, faladoiros, mostras bibliográficas e unha solta de libros o 23 de abril.
Que pasa cando xuntas ilustración e palabra escrita?... que xorden os grandes álbums ilustrados.
O ilustrador Marc Taeger e o contador de contos Caxoto executan este man a man escénico nun perigoso experimento que non foi autorizado por ningunha autoridade competente. Dun lado a picaresca, o trazo conciso e a fantasía visual de Marc e doutro lado a retranca, a voz firme e o maxín bule bule de Caxoto. E por se iso fose pouco, nun triplo salto mortal a esta mistura engadímoslle a participación imprevisible do público... Que temos como resultado? Pois un espectáculo cheo de vitalidade, situacións esperpénticas, personaxes inesquecibles, creatividade desbordada, algunha que outra liorta escénica e moita, moitísima diversión.
Sobre Marc Taeger
Marc Taeger naceu en Berna (Suíza) no ano 1963. Pasou a súa infancia entre Italia, Portugal, Alemaña e España.
Estudou Deseño Gráfico e Ilustración na Escola Superior de Comunicación Visual de Tréveris (Alemaña). Ten realizado exposicións en Barcelona, Madrid, Santiago de Compostela, París, Luxemburgo, San José (Costa Rica) e Shangai.
Iniciou a súa carreira como ilustrador en Barcelona, onde residiu durante 20 anos. Na actualidade reside en Bueu, desde onde traballa como ilustrador para publicidade, editoriais e prensa.
Galardoado co Premio Daniel Gil de Ilustración e dous premios LAUS, que concede a Asociación de Deseñadores Gráficos de España (ADG).
Sobre Catoxo
Caxoto é a persoa que se atopa tralo mostrador na Trastenda dos Contos. Mestre en Educación Primaria e ligado ao espazo escénico, entra en contacto coa narración oral coa súa chegada á Editorial Kalandraka no ano 2004. Alí logo de formarse como narrador asume a campaña de animación á lectura que o leva por colexios e bibliotecas de toda Galicia.
Desde o ano 2025 decide vivir exclusivamente do conto e participa en varios festivais de teatro e/ou narración oral que o levan por distintos puntos da xeografía española, entre eles: Festival EVA - En Veu Alta (Cataluña), Festival Contando Cuentos (Salamanca), MIT (Mostra Internacional de Teatro de Ribadavia), La senda del cuento (Toledo), Maratón de centos de una noche de verano (Chapinería), Maratón de los cuentos Guadalajara (sección Inauditos), Festival "Falando a Boca Chea" (A Coruña), Festival Núbebes (Pontevedra), Festival Internacional Outono de Teatro (FIOT), Festival Atlántica (Santiago de Compostela), Festival EVA- Era Uma vez no Atlántico (Madeira-Portugal).
Tamén che pode interesar
Prazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible