Por iso, na Biblioteca Municipal de Estudos Locais temos preparada unha escolma de materiais que che permitirán achegarte á figura de Filgueira Valverde, ese ilustre polígrafo galego, para moitos, un dos últimos escritores que cultivou todos os xéneros literarios e que traballou as máis diversas áreas da cultura.

Pero tamén faremos unha solta de libros en todas as bibliotecas; recomendaremos, cada día, materiais en galego para que descubras e poderás levar en préstamo tantos materiais na nosa lingua como ti queiras!

Se che presta ler en galego fai que se entere todo o mundo:

• compárteo nas redes sociais co hashtag #m8mepresta
• achégate ao photocall que circulará polas bibliotecas e faite unha foto cos teus motivos, igual que fixeron o ano pasado outros usuarios
• colabora e completa a wiki que recolle Os mellores das Letras galegas