Gústache escoitar a radio? Gustaríache aprender a realizar un programa?

O venres 12 pola tarde ou o sábado 13 de setembro pola mañá no Centro Ágora tes a oportunidade de ter o teu primeiro contacto co mundo da radio. E quizá sexa o comezo dunha grande amizade.

Nunhas horas, varias persoas de CUAC FM 103.4 ofreceranche unha formación práctica e divertida sobre a locución, a parte técnica, a produción e tamén breves nocións sobre o que é unha radio comunitaria.

Que é unha radio comunitaria? Unha emisora sen ánimo de lucro na que calquera persoa ou colectivo pode colaborar. O único que é necesario é ter paixón por comunicar.

CUAC FM é a única que existe na Coruña. Emite dende 1996 no Campus da Zapateira e xa pasaron polos seus micros máis de 400 programas.

Se queres gozala como oínte, podes facelo a través do 103.4 de fm, de http://cuacfm.org/directo ou da nosa aplicación gratuíta para móbiles (android, Apple ou Nokia). Posteriormente podes escoitar os nosos programas podcast. Ah, se queres síguenos en facebook ou Twitter @cuacfm

• Formulario de inscrición venres 12
• Formulario de inscrición sábado 13

IMPORTANTE: No caso de que o/a participante sexa menor de idade, deberá presentar autorización do pai/nai/titor legal, así como a copia do DNI da persoa que autoriza a participación.