Serán os pais os que realizarán a masaxe e o xogo ao propio bebé.

Os obxectivos principais do encontro son dar a coñecer a masaxe infantil en canto ferramenta para fomentar a comunicación e a nutrición afectiva, e ofrecer información sobre os seus beneficios para o bebé e a familia enteira.

A duración dos talleres será duns 45 a 60 minutos.

A masaxe infantil é unha antiga tradición en moitas culturas do mundo, que se transmitiu de nais a fillas. É unha ferramenta para fomentar a comunicación e a nutrición afectiva. Moitos estudos de investigación¹ revelan como a calidade do contacto afectivo dos primeiros anos dos bebés e os seus proxenitores ten repercusións directas no desenvolvemento físico, psíquico e emocional importantes e duradeiras.

¹(Allan N. Schore, 2003; M. Gunnar, 2002; D. Siegel, 1999; A. Sroufe, 1995)

Carla Console

Educadora de Masaxe Infantil certificada por IAIM (Asociación Internacional de Masaxe Infantil) e membro de AEMI (Asociación Española de Masaxe Infantil). Psicóloga evolutiva, licenciada na Universidade dos Estudos de Padova (Italia). Especialista en Desenvolvemento Neuropsicomotor de 0 a 3 anos. En proceso de formación en Saúde Mental Perinatal.

Prazo e modo de inscrición: do 23 de marzo ao 7 de abril ou ata completar as prazas. Na conserxería do Ágora (de 9 a 20 h) ou por teléfono ao 981 189 888.