Piel de salitre é a gran novela contemporánea da Galicia mariñeira, esa terra na que a presenza do mar impregna corpos, almas e pel. Completamente allea á tentación costumista, Juan Mariñas recrea neste relato un mosaico de vidas e historias que, máis alá da súa localización contemporánea, versa sobre os grandes temas: a vida, a morte, a amizade, o esforzo, a supervivencia, sobre o espírito e a condición humana.

Concibida como unha novela coral, sorprende a variedade e autenticidade dos seus personaxes, de todas as idades e condicións. Varios destes personaxes cobrarán vida, grazas aos actores da compañía Teatro en tu casa.

Ante os ollos do lector, que se converte en espectador, para asistir ao diálogo máxico que Ramona, Charito, Mateo, Maite e Rafael establecen co autor, Juan Mariñas, desenvólvese un espectáculo de grande intensidad emocional, no que os personaxes da novela Piel de salitre, nos falan das súas vidas e ilusións, recreando pasaxes da obra.