Obradoiros para dar a coñecer a masaxe infantil coma ferramenta para promover a comunicación e a nutrición afectiva e ofrecer informacións sobre os seus beneficios, para familias con bebés de 0 a 12 meses. Proponse ademais un espazo para fornecer (confianza e autoestima) as capacidades de crianza dos proxenitores e involucrar a toda a familia

O obradoiro consistirá 6 encontros, un por semana.

En cada sesión haberá unha parte teórica, unha parte práctica para familiarizarse cos movementos da masaxe infantil e un debate sobre temas relacionados coa paternidade/maternidade e a crianza do bebé, coma o sono, o pranto, a lactancia, a alimentación complementaria e o desenvolvemento neuropsicomotriz, entre outros.

Incluirase a proxección dalgúns materiais en soporte audiovisual. E inclúe un dossier (artigos, secuencias, poesías….), aceite para as prácticas e un certificado de asistencia para a/o bebé e a súa familia.

Os OBXECTIVOS principais dos obradorios son:

• Acompañar os pais/nais na procura dun momento de dedicación exclusiva.
• Axudar a reforzar os vínculos afectivos positivos
• Aliviar o malestar da/do bebé producido por cólicos e gases
• Equilibrar os períodos de estimulación e relaxación do bebé para mellorar a calidade do sono
• Proporcionarlles confianza e seguridade aos pais/nais e, por tanto, ao bebé
• Establecer o hábito da comunicación entre pais/nais e fillos/as
• Favorecer a maduración do sistema nervioso do bebé e fornecer o seu sistema inmunolóxico
• Ofrecerlles os pasi/nais ferramentas para implicarse cedo na crianza
• Reducir o illamento dos pais/nais; creando un espazo social de intercambio e aprendizaxe (con efecto preventivo sobre o aparecer da depresión post parto)
• Favorecer a lactancia materna (incrementando a produción de prolactina e oxitocina)
• Descenso da rivalidade entre irmáns (favorecendo a participación dos irmáns)
• Promover dentro do cotidián, un clima familiar e un ambiente máis relaxado

Impartidos por: Carla Console.

• Psicóloga infantil, especializada en Desenvolvemento Neuropsicomotriz de 0-3 anos
• Educadora de masaxe infantil certificada por IAIM e membro de AEMI (Asociación Española de Masaje Infantil)
• En proceso de formación (anuais) en "Saúde Mental Perinatal" e en "Muller cíclica" (adolescencia, maternidade, menopausia)
• Experiencia como psicóloga en centro educativo con nenos/as de 0 a 12 anos (2006-2009)
• Experiencia de dinamización en grupos de familias con bebés