Rafea é unha muller analfabeta beduína que vive coas súas catro fillas nun dos pobos máis pobres do deserto de Xordania, na fronteira con Iraq.

A Rafea ofréceselle a oportunidade de viaxar á India para asistir ao programa do Barefoot College, onde mulleres analfabetas de todo o mundo se forman durante 6 meses para ser enxeñeiras solares. Se o consegue, poderá electrificar o seu pobo, formar a outros enxeñeiros e manter as súas fillas.

Será unha viaxe difícil para Rafea, pero o seu maior reto será o de romper coa mentalidade tradicional beduína, que mantén que o lugar dunha muller está na casa para servir o seu marido. O documental mostra o poder da educación enfrontado á forza da tradición.

AS DIRECTORAS

Jehane Noujaim creceu en El Cairo onde comezou a súa carreira como fotógrafa. Continuou os seus estudos de cine e filosofía en Harvard. Traballou como directora e produtora de varios filmes, entre eles títulos como Startup.com (2001), Control Room (2004), ou The Square (2013).

Mona Eldaief naceu en El Cairo e creceu en Estados Unidos onde estudou ciencias políticas e fotografía. Traballou como directora de fotografía nos documentais A Wedding in Ramallah (2002) e Her name is Zelda (2003).

PREMIOS E FESTIVAIS

Premio do público, DOC NYC, EE.UU., 2012

Premio especial do xurado, DOC NYC, EE.UU., 2012

Premio xustiza global Oxfam, IDFA, Países Baixos, 2012

Mellor película, Festival Internacional de cine de Wakefield (WIFF), Canadá, 2012

Sección oficial, Sheffield Doc/Fest, Reino Unido, 2013.

FICHA TÉCNICA

Dirección: Jehane Noujaim, Mona Eldaief

Fotografía: Mona Eldaief

Produción: Mette Heide, Alexandra Johnes, Karim Amer

Produción executiva: Don Edkins, Nick Fraser, Mette Hoffman Meyer, Badr Jafar, Mike Lerner, Regina Kulik Scully, Lekha Singh

Edición: Jenny Golden, Jean Tsien, Esteban Uyarra

Música: Jonas Colstrup

Son: Peter Albrechtsen