Premio ao mellor filme internacional Hot Docs Toronto 2012. Mellor documental (Teddy Bear) Festival de Cine de Berlín 2012.
05/03/2013 ás 23:00
Xa rematou
20.00 h.
2,50 € e 2,00 € para maiores de 65, desempregados e carné xove.
A historia
"Kuchu" é o termo popular con que se denomina o colectivo lésbico, gai, bisexual e transexual (LGBT) en Uganda. Un colectivo perseguido social, cultural e xudicialmente. A ameaza dunha nova "Lei contra a homosexualidade", que establece penas de prisión e mesmo de morte para homosexuais e seropositivos, converte os líderes locais e activistas en emblemas internacionais da loita contra a violación dos dereitos humanos.
David Kato, o primeiro home en Uganda abertamente gai, é un dos poucos que se atreven a protestar publicamente contra as sancións homófobas do Estado. David loita, xunto cos seus compañeiros activistas, para cambiar o destino dos Kuchus en África, pois como di o propio David "se nos seguimos escondendo, dirán que non estamos aquí".
As directoras
Malika Zouhali-Worrall traballa como xornalista de prensa escrita e audiovisual no Financial Times e a CNN. Traballou para a CNN de India, Uganda, China e EE.UU. sobre temas de política, tecnoloxía e dereitos do colectivo LGBT. Malika graduouse na Universidade de Cambridge e ten un Máster en Relacións Internacionais do Instituto de Estudos Políticos de París.
Katherine Fairfax Wright graduouse na Universidade de Columbia cunha dobre licenciatura en Estudos de Cinema e Antropoloxía. Traballou como produtora en varias películas e foi premiada como directora de fotografía. É considerada un dos 25 novos rostros do cinema independente do 2012 pola revista Filmmaker Magazine de EE.UU.
Premios e festivais
• Mellor Filme Internacional - Hot Docs, Toronto, 2012
• Sección Oficial Festival de Cinema de Berlín, 2012
- Premio Teddy Bear por Mellor documental
- Premio Cinema Fairbindet
• Premio de Amnistía Internacional polos Dereitos Humanos - Festival de cinema de Durban, Sudáfrica, 2012
• Premio do público - Festival Internacional de Cinema Gai e Lésbico de San Francisco, 2012
• Premio Mellor documental - Festival Internacional de Cinema Gai e Lésbico de Austin, 2012
• Mención especial - Festival Antenna, Sídney 2012.
Ficha técnica
Directoras: Malika Zouhali-Worrall e Katherine Fairfax Wright
Fotografía e montaxe: Katherine Fairfax Wright
Produtora: Malika Zouhali-Worrall
Son: Malika Zouhali-Worrall e Katherine Fairfax Wright
Música: Jon Mandabach
Venda de entradas:
- Despacho da Praza de Ourense: de luns a venres (excepto festivos) de 9.30 a 13 h e de 16.30 a 19.30 h (pagos en efectivo).
- Despacho do Ágora: mesmo día da proxección dende unha hora antes (pagos en efectivo).
- Televenda: 902 504 500 - www.servinova.com
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible