Descubrimos un sistema que illa os banqueiros do resto do mundo e convérteos en incapaces de reflexionar sobre o seu propio traballo. Os verdadeiros amos do universo non son nin os políticos, nin os exércitos, nin os gobernos. Os verdadeiros amos do universo son os bancos de investimentos. Un poderoso banqueiro alemán ofrécenos unha inquietante visión das súas emocións, motivacións e predicións, mentres nos desvela un universo paralelo de ingresos desorbitados e presión desapiadada. Descubrimos un sistema que illa os banqueiros do resto do mundo e convérteos en incapaces de reflexionar sobre o seu propio traballo.

O DIRECTOR

Marc Bauder naceu en 1974 en Stuttgart (Alemaña). Estudou administración de empresas e logo formouse como cineasta na escola Potsdam-Babelsberg. En 1999 fundou a súa propia produtora: Bauderfilm, coa que produciu e dirixiu, entre outras, The System, After Revolution, The Top Manager, The Communist e Grow or go. O seu documental Masters of the Universe estreouse mundialmente na Semana da Crítica en Locarno. Actualmente Marc Bauder traballa, entre outros proxectos, na longametraxe Razzia.

FICHA TÉCNICA (Alemaña, 2013)

• Fotografía: Boerres Weiffenbach
• Produción: Gunter Hanfgarn
• Director e guión: Marc Bauder
• Montaxe : Hansjoerg Weissbrich, Rune Schweitzer
• Música: B. Fleischmann
• Produtoras: Bauderfilm, Co-Production Company: NGF Geyrhalterfilm

PREMIOS E FESTIVAIS

• Locarno FF, Prix Semaine de la Critique –Suíza 2013
• Fact Award. CPH:DOX – Dinamarca 2013
• DOK Leipzig – Alemanña 2013
• IDFA – Países Baixos, 2013

Tráiler: https://www.youtube.com/watch?v=6aa1uwaADg8&feature=youtu.be